Raphael Warjri

Jukrasong, jukshai, Shaipyrthei: ka mut ka ryta ha ka por ba san ba mer bad la shai ka pyrthei bad rasong ka bha ka miat ha ka imlang sahlang- Civilisation 

Lamdien, syngkhien:  ka mut ka bynta ba sha dien ka ba  paw pajih na kiei kiei ki ba  ha khmat bad kham shynna ban ïa ka- Background, backdrop

Lamkynto: ka mut u nongïalam ba ha khlieh ba kynto kam- Director

Lamphang: ka mut u ba lamphang ha kano kano ka lympung tainia- Speaker

Lamthew: ka mut ka ba  thap lam ban thew ïa kaei kaei- Suggest

Lampynmih: ka mut kaei kaei ka ba lam ban pynmih thymmai- formula

Lariti, Deiti, Deiriti: ka mut ka riti dustur ki bynriew- Culture

Lehsang: ka mut ba ïuhroit pynjakhlïa jaka kyntang- Desecrate

Lehsang: ka mut ba byrsieh ha ki kam awrïa- Adultery

Liewpar liewsam: ka mut ka thliew ba pynpar ne sam lyngba- Conduit

Luiñ, Dongluiñ: ka mut ka kyndong  ka ba  lymbnep ne ka bym nep- Obtuse

Lurphang: ka mut uba lur ïa ka phang ban ïatai nïa- Moderator

Lur Nongmuna: ka mut u khlur nongmuna- Role Model

Lurmatti: ka mut u khlur ba iaineh ka matti ha ka imlang sahlang- Legend

Marpynap: ka mut ka tiar ba buh lypa lada donkam- Spare

Markordor: ka mut ka mar kordor kyllum Artifact

Markynti: ka mut ka nongkynti shimet ne kyllum- Conflict

Marmon: ka mut ba marmlien ban mon- Trend

Marnongra/Nongrakor: ka mut ka mar rim ba dondor- Antique

Martrei: ka mut ka mar ba pyntreikam ha ka martylli- Software

Martylli, Marmetbah: ka mut ka mar ba tylli Hardware

Matsohpet: ka mut ka khmat tyllong pyrthei- Epicenter

Mattien: ka mut ka mat kyntien thoh ba kongsan- Citation

Mattithaw: ka mut ka matti ba thaw na lade- Art

Metsuiñ: ka mut ki metbneng shna briew ba per bad par ha suiñ- Satellite

Miatdur: ka mut ba bhadur itynnat bad baphuh baphieng- Aesthetic

Miatmet: ka mut ba don ka met ka phad ba iskuiñ briew- Sexy

Miatmon: ka mut ba ïa monjur lang shi sur- Unanimous

Mihjubab: ka mut ka jingmih kat kum ka jubab ba la khlei- Result

Monjurlang: ka mut ba la ïamonlang ryntih- Consensus

Myntri Aiñ Kanun: Law Minister

Myntri Ka Bsa Ka Btiah: ka mut u myntri ba dei khmih ïa ka sam bam sam dih katkum ki hok tynrai jong u paidbah-  Food & Civil Supplies Minister

Myntri Subani: ka mut u myntri ba dei khmih ïa ka sam um ha ka bam ka dih ka sait ka khlieng ban wanlam ka koit ka khiah bad ka khuid ka suba ha ka imlang sahlang- Public Health Engineering Minister

Myntri Ka Koit Ka Khiah: ka mut u myntri ba dei khmih ïa ka sumar sukher bad ïada ïa ki paisbah na ka pang ka jhia- Health Minister

Myntri Teiïing (Paki Dulan): ka mut u myntri ba dei khmih ïa ka kam ban tei ki ïing ki sem, paki dulan na ka bynta ban pynbiang ki jingdonkam ha ka shakri paidbah- Public Works Deparment (Building) Minister

Myntri Shnalynti (Surok): ka mut u myntri ba dei khmih ïa ka shna surok lynti syngkien, jingkieng pyrnon na ka bynta ban suk ka ïaid ka ïeng ka leit ka wan jong u paidbah- Public Works Deparment (Roads) Minister

Myntri Ka Rep Ka Riang: ka mut u myntri ba dei khmih ïa ka tih ka puh lyngkha, ka thung ka tep symbai bad ka kheit ka ot ïa ki jingmih na ka ramew- Agriculture Minister

Myntri Ka Thaiñ Ka Wet: ka mut u myntri ba dei khmih ïa ka ri khñiang rusom ñiang ryndia bad ka thaiñ jaiñ thaiñ nep tynrai da ki kti- Sericulture and Weaving Minister

Myntri Ka Thew Ka Woh: ka mut u myntri ba dei khmih ïa ka thew ka woh ïa ki mar ki mata bad ban dok ïa ki pylla ki tarajur katkum ba la buhti ka iktiar sorkar na ka bynta ban bit ban biang u paidbah ha ka imlang sahlang- Legal Metrology Minister

Myntri Khajna Musur: ka mut u myntri ba dei khmih ïa ka khrong ka dan na ki paidbah ban seispah na ka bynta ka jylla ha ka shakri paidbah-  Revenue Minister

Myntri Khlaw Mariang: ka mut u myntri ba dei khmih ïa ka khlaw ka btap, ki dieng ki siej, ki jhur ki kynbat khlaw bad ïada ïa ka mariang shityllup- Forest and Environment Minister

Myntri Kilan & Kyntiew Samla: ka mut u myntri ba dei khmih ïa ka kam kilan met kilan phad bad baroh ki kam ban kyntiew ïa ki sap ba tbit ki samla samhoi na jylla- Sports and Youth Affairs Minister

Myntri Korkhana bad Khaïi Pateng : ka mut u myntri ba dei khmih ïa ka die ka thied bad ka shalan mar mata na ka bynta ban seispah ha la jylla- Industries & Commerce Minister

Myntri Korbar-ri: ka mut u khlieh synshar ha ka kamïing ha jylla- Home Minister

Myntri Korbar Sor: ka mut u myntri ba dei khmih ïa ka bha ka miat ka bit ka biang jong ki paidbah ha ka imlang sahlang na ki jaka sor bad nongbah- Urban Affairs Minister

Myntri Kyrsoi Um: ka mut u myntri ba dei khmih ïa ka ba  pynneh ïa ki tyllong um, ki wah ki pung ki nan bad ban ïada na ka shlei um pathar- Water Resources Minister

Myntri Imlang Sahlang: ka mut u myntri ba dei khmih ïa ka bha ka miat jong ki anna antu, ki matlah matpei, ki dkoh ki kyllut bad baroh ki briew ba mala ha ka met ne bor pyrkhat, kumjuh ruh ïa ka bit ka biang jong u luk u lak, u thap u dab- Social Welfare Minister.

Myntri Ϊada Hima: ka mut u myntri ba dei khmih ïa ka kam ban ïada ïa ki hima katkum ki riti dustur tynrai u longshwa manshwa- District Council Affairs Minister

Myntri Ϊada Jylla bad Paidbah: ka mut u myntri ba dei khmih ïa ka kam ban ïada ïa ki mar sorkar bad ki paidbah ha ka ba  wanlam ka shongsuk shongshngaiñ ha ka imlang sahlang-  Home Guards & Civil Defence Minister

Myntri Ϊada Langrut: ka mut u myntri ba dei khmih ïa ka kam ban ïada ïa ki hok jong ki ba  bylla sngi bad ban phikir da ki adong aiñ jylla na ka bynta ban khang pyntrei borbah ïa ki ba  dang lung ka ryta- Labour Minister

Myntri Deiriti: ka mut u myntri ba dei khmih ïa ka riti dustur tynrai bad ki sap ki phong ka juk mynta ban kyntiew ïa ka thohkot thohsla, ka shad ka khihmet, ka rwai ka siaw ka put ka tem, ka thohdur bad baroh ki kam thawlade jong ki ba  tbit ha la ka kam ba trei da ka jabieng bad da la ka metbriew- Arts and Culture, Cultural Affairs Minister

Myntri Marramew: ka mut u myntri ba dei khmih ïa ka kam tih par ki mar na ramew bad syrtap ha ryngkew- Mining and Geology Minister

Myntri Ñiahlynti: ka mut u myntri ba dei khmih ïa ka kit ka bah bad shalan mar mata da ki korñiah shalyntem na ryngkew-  Transport Minister.