Raphael Warjri

Ki ktien ba la tyrwa ban shna thymmai ki long ki ba la shu thaw hi kat ba lah ban poiphang ha ka pyrkhat shimet bad lada ka long ka ba lah ban peiphang bad sngewthuh da ki paidbah, te ka shong sa tang ha ka bishar sani jong ki stad saiñktien bad ki thohjer thohnam na ki shlem ba kynsai jong ka imlang sahlang. La khmihlynti ba kiei kiei baroh kin long ki ba jynsur mynsiem bad ban husiar ban ym synjor, ban long ki ba kdup ia ki ktien tnat na ki thaiñ kylleng sawdong bad ban pynneh longpdeng da ka ktien Khasi ka ba don ka thymmei na ka ktien Sohra. La pyrshang ruh ban buh artat bad ka jingmut ha ka ktien phareng khnang ban kham suk ha ka bishar bad tynjuh lada dei ban pdiang ne kyntait lane lada dei ban dan ai jingmut shuh shuh da kumwei. Wat lada dang don ka tarajur ne pyrla ban tynjuh, u sawar ban thew bad u diengkot ban pynbiang tara; hynrei yn ieh shwa kumto khnang ban ym ktaid sha ka ban btai pynban. Kumta la tyrwa ki ktien kat ba lah ei ban kynshew kumne harum:

:::::

Kumba la kdew hashwa ba kine baroh ki long shwa tang ki jingtyrwa ki ba ap khmihlynti ia ka bishar bad tai sani na ki stad saiñktien bad thohjer thohnam Khasi jong ka jylla ki ban kubur lada dei ban pdiang ne kyntait, lane ban pynbha shuh shuh ban kham janai pura. Ka sorkar jylla ka dei ban buhti da ka shlem iktiar ba pura na ka bynta kane ka jingthmu, khnang ba kiei kiei baroh kin long ryntih. Katba ka shlem iktiar tyngkai rikynti jong ka sorkar jylla kam pat thung ia ki kher ki mer ryngkat ki kynrem lyndan ki ba la palat liam ka jingtbit ha kane ka phang na ki salonsari lane na ki synjuk ha ka imlang sahlang, dei ban don ka lynti na ki ba trei monlade ban tynrong ia kane ka bankhia; kynthup lang na ki paidbah. Kumta la kyrpad kyllum na ki paidbah ban synñiang lem da ka ba phah ha ka email: sainriti.2011@gmail.com lane Whats App 9436103992, kat ka ba kham sngewbit sngewbiang.

Aijubab: ka mut ba ai ka jubab ha ka jingkylli ne kynthoh ha ka ba  ai daw- Response 

Aitishaniah: ka mut ba aiti bad ba lah ban shanïah- Faithful

Aïomot aïomkheit: ka mut ka por ba la ih ki jingthung bad la biang ban ot ne kheit- Harvest

Bahtympha: ka mut u rishot kongsan ba shan ia ka sad-

Bamet: ka mut ba tylli doh ne shkah Solid

Bamteimet dihteimet: ka mut ka dawai tei ïa ka met ka phad - Vitamin

Bambsamet- ka mut ka bam ba bsa met bsa phad- Nutrition

Bankhïa: ka mut ka ba  noh ne shah tynrong na jrong- Pressure, burden

Basabam basadih: ka mut ka sem ba die bam die dih paidbah- Restaurant

Batsaipan: ka mut u nongbat pisa ha saipan- Treasurer

Batiambaid: ka mut ba phoi lian phoi kynsha-

Borkhïa: ka mut ka kynja bor ba hap da ka jingkhïa - Gravity

Borkhring: ka mut ka kynja bor ba khring- Magnetic

Borkynsan: ka mut ka kynja bor ba ban khïa kynsan- Impact

Bortipthuh: ka mut ka bor ba lah ban mad ne sngew- Senses

Buhthup: ka mut ba buh thup kyrteng їa ki mar ki mata- Registration

Buhthiar: ka mut ba buh thïar tyngkai dulir- Archive

Buikyrteng: ka mut ka bui buh kyrteng- Registration

Buitsniew: ka mut ba buitpoh ban shet kylla- Mischief

Kabuhok: ka mut ka kabu ba shonghok- Privilege

Kambymman: ka mut ki kam batriem ba mynsaw- Crime

Kamroi: ka mut ki kam pynroi ha ka imlang sahlang- Scheme

Kamtreilang: ka mut ba syllok lang ban trei ryngkat- Cooperation

Kher Aihukum: ka mut ki kynja riew don kyrdan ba їalam na phrang- Commanding Officer Khieim Jyrngam: ka mut ka juk ba rasong ka rep ka riang- Green Revolution  

Khun Kbeit Shapuloit: ka mut ba saitlah ia ka sneng ka kraw ki kmie ki kpa, ryngkat ka byrngem shoh artat-

Khreh ktem: ka mut ka ba  pynap lypa ban їoh kdong- Strategy

Kiew Snam hïar snam: ka mut ba kiew ne hiar ka ba  kynshait ka snam na u klongsnam ka bym biang ka jingtuid ka snam lynba ki thied snam- Blood Pressure

Kliarthong: ka mut ba kot ban khajoh sha khieh eh jong kano kano ka kam- Zenith, Pinnacle 

Klit: ka mut ka jingstet ba palat liam ban ther na kawei ka dong sha kawei pat- Velocity

Korkemdur korkemsur- ka mut television Television

Kotaibor kotibit/ Syrnotaibor: ka mut ka dulir ba la shah ban pyntreikam- License

Kpait-saiñ-kam: ka mut ka ba pruid dak lynter ban buh ryntih ki kam ba dei ban trei- Policy Krehbiangkam: ka mut ba pynïaidkam ryntih- Management

Kupar їawai: ka mut ka nusib ba la thoh haduh ba kut ka jingim- Destiny

Kyndeh thiedsnam: ka mut ba tied u thied u jaw na ba їaid ka snam- Pulse

Kyndon kdewlynti: ka mut ba lam ne pyni lynti kumno ban leh katkum ki mat ba la buh hukum- Guidelines

Kyndongduh: ka mut ka thaiñ khappud bajngai palat na ka jaka pdeng- Hinterland

Kynhun banbor: ka mut ka sengbhalang ba shimkhïa- Pressure group

Kyntokam: ka mut ba kynto kam ïa ki ba trei hapoh- Coordinator

Kyntokamsur: ka mut ba lam ban kynto ha ka put ka tem Orchestra Conductor,

Music arranger

Kyrdantbit: ka mut ka jingtbit ha la ka kyrdan ba kyrpang- Qualification

Kyrtep: ka mut u kynja ksuid ba pynmatlah-

Dakthohkti: ka mut ki dak ba thoh da ka kti- Handwriting

Deiti, Deiriti, Lariti: ka mut ka riti dustur pura ba dei ia ka longbynriew- Culture

Dongshnat: ka mut shi lynnong na ka jylla Zone

Dongmatang: ka mut ka dong ba biang thew sawar na pynïeng sha pyngkiang- Right angle

Dorbar Myntri, Khlieh Dorbar Myntri: ka mut ka lympung ki kynrem synshar- Cabinet

Dorthong: ka mut ka dor ba ïoh ha ka ïakob ïathong- Point

Durshen: ka mut durshen - dur ka don ar jingmut ba iahap; dur kum ka ba paw ba lah ban iohi da ki khmat bad dur kum ka rukom ban leh ia kano kano ka kam, nuksa ‘Ha kano ka dur yn shna?’; bad shen ka dei ka ba dang khala khala mynta hi, ka ba ym pat slem ne jlan por.

'Erper: ka mut ka kynja lyer sei bor ba per- Gas

Japhri: ka mut ka phrah siej ban tap tnum-

Jiaïohi, dhara:  ka mut ka jingjia ba ïohi- Scene

Jubanhok: ka mut ka kular hok ba da ka smai ka spot- Oath